Kuch aye, kuch rah gaye,
Kuch haath chodkar chale gaye,,
Kuch meharbaano ki fehrist mein,
apna naam jod kar chale gaye..
Aazmaish ke taur par kuch
jo azmaane aye the,,
Wo kadam-kadam par pal-pal
mujhe aazma kar chale gaye..
Kuch sachhe-jhute vaado ki
ek chah dikhakar chale gaye,,
Kuch jaane-anjane mein
nayi raah dikhakar chale gaye..
Kuch roshni mein chupe andhero ka
sach bata kar chale gaye,,
Kuch andhero mein dabe ujaalon ka
jhut bata kar chale gaye..
Ab ek naye safar ko aaj fir shuru karna hai,,
ab jo bhi ho in raasto pe fir akele chalna hai..
No comments:
Post a Comment