zindagi..

Ye zindgi har mod pe ek ansuljhi paheli hai,,
kabhi muskurate ansu si,
Kabhi khilkhilate kaanto si,
Ek adhuri kahani si,
Thodi-thodi anjani si,
Kore Kagaz si hatheli hai..

Kabhi rang-birange fulo si,
Sawan me latke jhulo si,
Kabhi ek hansi kilkaari si,
Masum si dikhti pyari si,
Ek manmauji saheli hai,,
Ek gumnaam si paheli hai...

yaad...

Jo har pal har chin aati hai,
Sach bata,
Kya wo yaad tujhe bhi aati hai?

Jo is dil ko chu jati hai,
Jo saanso me bas jaati hai,
Wo baat purani-bisri si,
Wo raat simatti bikhri si,
Kya tujhko bhi rulati hai?

Wo din adhure-pure se,
Wo sapne tute chure se,
Us tez roshni ke saaye me,
Wo ek jhalak adhuri si,
Kya tujhko bhi satai hai?

Wo mann ki baat chupa lena,
Fir bin bole batla dena,
Us cham-cham karti payal ke,
Mithe se bol suna dena,
Us baat pe tera sharmana,
Us baat pe tera itrana,
Ye sab baatein mujhe har pal
Tere hi geet sunati hain..

Ye yaad mujhe jo aati hain
Sach bata,
Kya wo yaad tujhe bhi aati hain?

akele chalna hai

Kuch aye, kuch rah gaye,

Kuch haath chodkar chale gaye,,

Kuch meharbaano ki fehrist mein,

apna naam jod kar chale gaye..

Aazmaish ke taur par kuch

jo azmaane aye the,,

Wo kadam-kadam par pal-pal

mujhe aazma kar chale gaye..

Kuch sachhe-jhute vaado ki

ek chah dikhakar chale gaye,,

Kuch jaane-anjane mein

nayi raah dikhakar chale gaye..

Kuch roshni mein chupe andhero ka

sach bata kar chale gaye,,

Kuch andhero mein dabe ujaalon ka

jhut bata kar chale gaye..

Ab ek naye safar ko aaj fir shuru karna hai,,

ab jo bhi ho in raasto pe fir akele chalna hai..

u're d only one..

tumhi ho...

Ikraar bhi tumhi ho,

Inkaar bhi tumhi ho,

Kabhi ho pyar to kabhi takraar bhi tumhi ho..

Kabhi ho rooth jaati,

Fir khud ko hi manati,

Apni hi jeet ki kahi ek haar bhi tumhi ho..

Kabhi ho bholi si pari,

Kabhi ho aam zindgi,

Apni hi dhun pe naachti jhankaar bhi tumhi ho..

Tumhi ho din ka chaen,

Tumhi ho raat ka sukoon bhi,

Mere liye to jaise ye sansaar hi tumhi ho..

saath..

Kuch arse se in aankho me

ek saath ki talaash thi,

Us saath ke bina to jaise

zindgi udaas thi,,

Ab wo saath kahin se paya hai

to kuch aur kahin hai choot gaya,

Wo akelapan mujhse puchta hai-

tu kaise mujhse rooth gaya,,

Main hu wahi jisne tera

tanhaiyo me saath nibhaya tha,

Us waqt jab tere aansu pochne

koi bhi na aya tha,,

Ab us akelepan ko zindgi me wapas lau kaise?

Wo tujhse bhi sachha dost hai mera

ye is saath ko batau kaise??

a message...