jiye ja raha hu mai..

Is dunia ke andhere me
kahi ghire ja raha hu mai,
Kabhi dikhta hai kinara to
kabhi jaise dube ja raha hu mai..

Un yaado ko saath liye
un vaado ko saath liye,
Ek andekhi si zindgi
jiye ja raha hu mai..

Jeetne ka koi maksad nahi
harne ka koi afsos nahi,
Fir bhi is anjane raaste par
badhe ja raha hu mai..

Ek dili tamanna thi
apne sapno ko jine ki,
Fir kyu unhi sapno ko kahi
chode ja raha hu mai..

Is dil me rah-rah kar
ek sawaal uthta hai, ki kya
kisi aur ke sapno ke kadwe ghoonth
piye ja raha hu mai??

Ab aage ka rasta
kuch saaf to dikhta nahi,
Par mann me vishwas liye,
Dil me ek aas liye,
Chale ja raha hu mai...
Badhe ja raha hu mai...
Jiye ja raha hu mai...