intezaar..

Us din chupke se bholi si

jo teri aankhe mujhse boli thi,

Wo baat mujhe batla ja ab,

Ek baar kabhi to aaja ab.. 

Tu gayi kahan mai jaanu na

na ayegi ye maanu na,

Khud se tu mujhe mila ja ab,

Ek baar kabhi to aaja ab..

Jo saath me tere rahti thi

jo saanso me teri bahti thi,

Us mahek se mujhe mila ja ab,

Ek baar kabhi to aaja ab..

Kyu saath adhura chod gayi?

Kyu baat adhuri chod gayi?

Kyu pyar adhura chod gayi?

Kyu raat adhuri chod gayi?

Kuch sawaal mere suljha ja ab,

Ek baar kabhi to aaja ab..

Dream of a night..

Ab bhi baaki hai..

Kuch sawal ab bhi baaki hain,
Kuch jawab ab bhi baaki hain,
Jo usko mera banade wo mulaqat ab bhi baaki hai..

Mera ikraar ab bhi baaki hai,
Uska inkaar ab bhi baaki hai,
Meri khushiyon ke hisaab me shayad thoda pyar ab bhi baaki hai.

Tere sath hu..

Tere paas hu, tere sath hu,

mai har kahin, mai har jagah. 

Teri duriyo me tujhse door rahkar,

teri karibiyon me tujhse simta hua.. 

Teri zulfo me ek raat hu,

teri hatheli par ek suraj sa khilta hua.. 

Tere dil me dhadkan bankar dhadakta hu,

tere jism ki khushbu bankar, teri rooh me milta hua.. 

Mai hu tere jazbaat me, shaamil har ek lamhaat me,

mai din me, mai shaam me, 

hu raato me ghulta hua.. 

Teri har dua me shaamil hu,

tere haatho ki lakiro me, apna har ek pal ginta hua..

Teri bindi me, tere bundo me,

teri payal se chanakta hua.. 

Hu har kahin, hu har jagah

bus hu nahi to tere pyar me..

tere har pal ke saath me..

teri har guzarti yaad me..